Musavat.az
Musavat.az




Müsavat » Xeberler» Xeber

ABŞ-da Trampa qarşı etirazların ikinci gecesi

11 Kasım 2016

8:28 am


11/11/2016 [12:24]: xeber –
Donald Trampın prezident seçilməsindən sonra ABŞ-ın bir neçə ştatında baş tutan etiraz aksiyaları 2-ci gecə də davam edib. Ancaq bu dəfə etirazçıların sayı az olub.Onların əsas hissəsi Trampın prezidentliyinin irqi və gender məsələlərində dərin fikir ayrılıqları yaradacağını deyən gənclər olub.Buna cavab olaraq, cənab Tramp Twitterdə etiraz aksiyalarını “çox ədalətsiz” adlandırıb.O, bundan əvvəl Ağ Evdə prezident Barak Obama ilə görüşüb və onu yaxşı insan kimi xarakterizə edib.Lakin BBC müxbiri deyir ki, onların səmimiyyətinə baxmayaraq, cənab Trump prezident Obamanın irsinin böyük hissəsinin fəaliyyətini dayandırmağı düşünür.Buna daha çox amerikalıların tibbi sığorta edilməsi aktı olan Obamacare də daxildir.Aksiya iştirakçıları cümə axşamı Filadelfiya, Baltimor, Portland, Dallas, Solt Leyk Siti, Miçiqan və digər şəhərlərdə toplaşıblar.Filadelfiyada meriyanın ətrafına toplaşan etirazçıların əllərindəki plakatlarda “Bizim prezidentimiz deyil”, “Transgender Trampa qarşı”, “Amerikanı hamı üçün təhlükəsiz et” kimi şüarlar daşıyıblar.Polis bildirib ki, Baltimorda 600 nəfər dinc sakin şəhər ərazisindən keçərkən yolu bağlayıb. Minneapolisdə aksiya iştirakçıları qısa müddət üçün dövlətlərarası avtomobil yolunu hər iki istiqamətdə bağlayıblar.San Fransiskoda orta məktəb şagirdləri göy qurşağı banerləri və Meksikanın bayraqlarını dalğalandırıb.Bir gün əvvəl minlərlə insanın şəhər mərkəzinə yürüş etməsindən sonra Çikaqoda balaca qrup Trump Tower (Trump Qalası) önündə toplaşıb.Associated Press xəbər agentliyinin məlumatına görə, bəzi yoldan keçənlər onları salamlasalar da, azı bir sürücü qışqıraraq onlara “susmalı və demokratiya ilə razılaşmalı olduqlarını” deyib.Öz tvitində cənab Tramp onları “peşəkar aksiya iştirakçısı” adlandırıb və bildirib ki, onlar “media tərəfindən təhrik ediliblər”.İndi Respublikaçıların ABŞ Konqresinin hər iki palatasında çoxluq təşkil etdiyi vaxtda cənab Tramp çox asanlıqla səhiyyə islahatları kimi Obama təşəbbüslərini hədəfə ala bilər.Noyabrın 8-də keçirilmiş prezident seçkilərində cənab Tramp rəqibi Hillari Klinton üzərində qələbə qazanıb.O deyib ki, onun vacib prioritetlərinə ölkənin infrastrukturunu bərpa etmək və iqtisadiyyatı ikiqat artırmaqdır (BBC)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler