Musavat.az
Musavat.az




Müsavat » Xeberler» Xeber

2Atam son anlarında da “Qubadlı” deye-deye canını tapşırdı…”

31 Ağustos 2016

9:36 am


31/08/2016 [13:34]: xeber –
Bu gün bəlkə də bir çoxları üçün adidən də adi bir gündür. Amma mənimçünsə bu gün qanlı-qırmızılı bir gündür. Çünki söhbət doğulduğum torpağın, böyüdüyüm yurdun müxənnət ermənilər tərəfindən işğalından gedir.31 avqust Azərbaycanımızın ən yeni tarixinə Qubadlı rayonunun işğal günü kimi düşüb. Lakin bu necə baş verib, Qubadlı hansı səbəblərdən işğal edilib, qanlı döyüşlərin gedişində kimlər və necə şəhid olublar, bütün bunlardan bir çox insanlarımızın xəbəri yoxdur. Və hələ bu da azmış kimi, bəzi ağzıgöyçəklər, nadanlar da tapılır ki, ağızlarına gələni danışır və həm Qubadlını, həm də işğal edilmiş digər torpaqlarımızı guya özümüzün öz əllərimizlə düşmənə bağışlamağımızdan, ya da satmağımızdan dəm vururlar. Amma bu kimi fikirlər əslində qəsdən ortaya atılmış təxribatçı fikirlərdir və başdan-ayağa cəfəngiyyatdır. Bunu yalnız vicdansız adamlar söyləyə bilərlər. Yalnız şərəf və ləyaqətini itirmiş insancıqlar minlərlə qazimizin, şəhidimizin doğma torpaqlar uğrunda necə fədakarlıqlıqla vuruşmaqlarını, canlarını millətimiz naminə qurban verməklərini görməzdən gəlib bu cürə sərsəm iddialarda buluna bilərlər.Mən özüm Birinci Qarabağ Müharibəsinin canlı şahidi və iştirakçısıyam. Müharibənin bütün ağrı-acılarını yaşamışam. Bütün cəbhə bölgələrində olmuşam. Əsgərindən tutmuş komandirinə qədər hamıyla çiyin-çiyinə durmuşam və bu millətin döyüş ruhuna təkrar-təkrar vurulmuşam. Odur ki, “torpaqlarımız satıldı” deyənlərin, şəhidlərinimizin ruhlarını bilərəkdən incidənlərin yaxasından yapışıb var gücümlə silkələmək və həm də üzlərinə tüpürmək istəyirəm, onlara “bu Vətənin çörəyi, suyu sizə haram olsun” demək istəyirəm !Mən bu gün bəzi xəbər saytları və sosial şəbəkə fəallarının etdiyi kimi, bu yazımda Qubadlı haqqında şablon məlumatlar vermək, onun tarixi haqda, ərazisi və təbii sərvətləri barədə statistik rəqəmləri, göstəriciləri sadalamaq fikrində deyiləm. Bütün bunları internetdən də əldə etmək mümkündür. Yəni ürəyi istəyən, maraqlanan hər kəs sadəcə “Qubadlı” sözünü yazıb Google vasitəsilə istənilən qədər məlumat əldə edə bilər. Mən indi Qubadlının sonuncu döyüş günü barədə danışmaq istəyirəm.Qubadlı camaatı 1993-cü ilin 30-31 avqustunda əsl qəhramanlıq tarixi yazdı. Qubadlılar son ana qədər dirəniş göstərdilər, evlərini və səngərləri qoyub qaçmadılar, axıra kimi mərdliklə döyüşdülər. Qubadlının hər kəndi, hər obası, hər evi uğrunda amansız döyüşlər getdi. Həmin gün Qubadlının hər bir sakini bir əsgər kimi döyüşdü. Və bir çox qubadlılılar qəhramancasına həlak oldular, şəhidlər cərgəsinə yazıldılar. Mən özüm də həmin gün Qubadlının müdafiəsi uğrunda döyüşlərdə ağır yaralandım. Biz Qubadlı torpağını öz qanımızla suvardıq.İndi o gündən düz 23 il keçir. Biz qubadlılılar 23 ildir ki, istəmədən məcburi köçgün həyatı yaşayırıq. Sağolsun dövlət başçımız da, biz köçgünlərin yataqxanalarda, çadır şəhərciklərində əzablı, keşməkeşli həyatına son qoyaraq bizi rahat mənzillərlə təmin etdi. Biz dövlətin və dövlət başçısının bu qayğısını çox yüksək qiymətləndiririk. Amma bəzən sosial şəbəkələrdə və köşə yazılarında “bu köçgünlər, bu qaçqınlar Bakının şəhər həyatına, rahatlıqlarına öyrəşiblər, torpaqlar azad edildikdən sonra bunların heç biri öz evlərinə geri dönmək istəməyəcək” kimi yaramaz fikirlərə də rast gəlirəm. Sözün açığı, mən bu cür sərsəm fikirləri dilə gətirən insanlara heyrət edirəm və həm də çox təəssüf edirəm ki, belə bir miskin “insan”larla bir cəmiyyətdə yaşayıb, eyni havanı uduram. Axı siz bu cürə əsassız, absurd fikirləri ağlınızın ucundan keçirməyə və yazmağa, tirajlamağa necə cəsarət edirsiniz, ay miskinlər ?! Yəni sizlər vicdan sarıdan bu qədərmi yoxsulsunuz ? Ağdamın, Kəlbəcərin, Ağdərənin, Füzulinin, Cəbrayılın, Laçının, Qubadlının, Şuşanın, Zəngilanın, Xankəndinin, Xocavəndin, Xocalının o yerlər üçün burnunun ucu göynəyən insanlarının haqqına girməyi, onlara ləkə yaxmağı özünüzə, öz şərəfinizə (daha doğrusu, olmayan şərəfinizə) necə rəva bilirsiniz ?Mənim atam son anlarında da “Qubadlı” deyə-deyə canını tapşırdı. Və mən heç istəmədiyim halda atamı Bakıda dəfn etməli oldum. Mənim kimi yüzlərlə, minlərlə başqaları da öz əzizlərini doğma yurdlarının qəbristanlıqlarında deyil, Bakının, Sumqayıtın, Saatlının, Biləsuvarın və b. yerlərin məzarlıqlarında torpağa tapşırmalı olublar. Amma torpaqlarımız azad edilən kimi biz təkcə özümüz yox, əzizlərimizin ruhları da o yerlərə qayıdacaqlar. Biz onların məzarlarını təzədən öz ata-baba yurdlarına köçürəcəyik. Bax biz köçkünlər bu düşüncədəyik. Amma sizin kimi bəzi murdarlar görün bizim haqqımızda nələr uydurursunuz . Ayıbdır, vallah, ayıbdır !İşğalın ömrü əbədi deyil. Bu işğal gec-tez bitəcək. Mən buna bir qubadlılı kimi də, bir keçmiş döyüşçü və hal-hazırda ehtiyatda olan zabit kimi də, bir vətəndaş kimi də və Demokratik Azərbaycan Dünyası Partiyasının sədri kimi də qəti şəkildə inanıram. Millət olaraq da, dövlət olaraq da və ən əsası isə Azərbaycan Ordusu olaraq da biz buna qadirik. Elə 2-5 Aprel Savaşındaki həmləmiz, uğurumuz da bunu bir daha əyani surətdə təsdiqlədi. Amma nə yazıq ki, beynəlxalq siyasi güclər, böyük dövlətlər hələki önümüzü kəsir, erməniləri himayə edir və bizə müharibəyə başlamağa imkan vermirlər. Lakin hər şeyin bir sonu olduğu kimi, bu haqsızlığın da əvvəl-axır sonu gələcək. Biz istər sülh yoluynan olsun, istərsə də hərb yoluynan olsun, onsuz da torpaqlarımızı azad edəcəyik.Ermənilər düşünməsin ki, biz işğal faktoru ilə barışmışıq. Yox, əsla ! Mən bunu bir hərbçi kimi deyirəm, torpaqlarımızın bir qarışını da düşmən tapdağı altında saxlamayacağıq. Və tökülən qanlarımıza görə, öldürülən günahsız insanlarımıza görə ermənilərdən qisasımızı alacıyıq. Ermənilər zaman-zaman millətimizə qarşı, Azərbaycana və Türkiyəyə qarşı etdikləri pisliklərin, namərdliklərin bədəlini mütləq ödəyəcəklər ! Bu, təkcə mənim sözüm deyil. Bu, bütün qazilərin sözüdür, bütün vətənpərvərlərin sözüdür. Və başda Serj Sərkisyan kimi, Seyran Ohanyan kimi qətliam caniləri olmaqla bütün ermənilər kar qulaqlarını açıb mənim – keçmiş döyüşçünün bu sözlərini eşitsinlər : Siz cəzasız qalmayacaqsız !Mən Qubadlı şəhidlərinin, Qarabağ şəhidlərinin, bütün Azərbaycan şəhidlərinin müqəddəs ruhu qarşısında baş əyirəm!Əlisahib Hüseynov Demokratik Azərbaycan Dünyası Partiyasının (DADP) sədri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler