Musavat.az
Musavat.az




Müsavat » Xeberler» Xeber

Əlekber Tağıyev “Sen gelmez oldun” mahnısı kime ithaf edib?…

28 Temmuz 2016

12:16 pm


28/07/2016 [16:13]: xeber –
Elə bir azərbaycanlı yoxdur ki, “Sən gəlməz oldun” mahnısını dinləyərkən ona toxunmasınMahnı nəinki öz diyarında, hətta öz diyarından kənarda da sevilən mahnılardan birinə çevrilmişdir.”Sən gəlməz oldun” mahnısının sözləri Mədinə Gülgünə, musiqisi isə Ələkbər Tağıyevə aiddir.sayt bu məşhur mahnının yaranma tarixini təqdim edir:Ələkbər Tağıyev hər gün səhər saat 5-də yuxudan oyanır, bir neçə melodiya yazır, nahar edəndən sonra isə onların üzərində çalışmağa başlayırdı. Amma bu mahnıların heç də hamısı onun öz adı ilə Bədii Şuradan keçmirdi: “O vaxtlar Ələkbər Bədii Şuraya 5-10 mahnı birdən gətirib verirdi. Hamı da məəttəl qalırdı ki, bir adam bu qədər mahnı bəstələyə bilər?! Ona görə də mahnılarından bir-ikisi Bədii Şuradan keçirdisə, çoxu kənarda qalırdı. O da həmin mahnıları “xalq mahnısı” adı ilə şuradan keçirirdi. Məsələn, “Araxçının məndədi, ceyran”, “Endim bulaq başına”, “Sənsən” və s. Deyirdi, “mən bu mahnıları yazmışam ki, xalq eşitsin. Qoy mənim adım getməsin, eybi yox, amma axır-əvvəl haqq öz yerini tapacaq”. Amma Ələkbər Tağıyevin mahnıları illərdir unudulmur. Nəinki Azərbaycanda, qardaş Türkiyədə və digər ölkələrdə də sevilir, ifa olunur. Onun son illər daha çox səslənən mahnılarından biri “Sən gəlməz oldun” mahnısıdır. Bu mahnı Fransada dünyanın 40 ən yaxşı mahnısından biri seçildi. “Sən gəlməz oldun” Ələkbərin qardaşı oğlunun həyat yoldaşına həsr olunub. Qardaşı oğlunun həyat yoldaşı Sevda çox gözəl xanım idi. Uşağı olandan sonra gənc yaşda xərçəng xəstəliyinə düçar olur. Övladının heç bir yaşı olmamış dünyasını dəyişdi, Ələkbər də həmin dəfndə iştirak etmişdi. Bu hadisə, yas mərasimi ona elə təsir edir ki, evə gələn kimi bu mahnını bəstələyir. “Sən gəlməz oldun” mahnısı həmin gəlinə ithaf olunub.Ələkbər Tağıyev doğum gününə 12 gün qalmış, 1981-ci il aprelin 16-da dünyasını dəyişir. Və Maştağada “Seyidlər” qəbiristanlığında torpağa tapşırılır. Sağlığında özünə ayırdığı yerdə. Başdaşına isə Hafiz Baxışın sözlərinə bəstələdiyi “Mənim dünyam” mahnısından bir parça yazılır: “Mən də sənə bir qonağam, mənim dünyam, mənim dünyam…”(manera.az)




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler